ККС дегеніміз не?
Кешенді көлік схемасы (бұдан әрі – ККС) - бұл қалалық көлік пен көлік инфрақұрылымын дамыту бағытын айқындайтын құжат.
ККС не үшін қажет?
ККС болашақта халықтың өсуі мен көлікке сұранысты ескере отырып, қаланың жол желісін, көлік инфрақұрылымын қалай дамыту керектігін, қандай стратегияны таңдау керектігін анықтайды. ККС-да айқындалған шешімдер мен бағдарламаларға, әдетте, жол қозғалысының қауіпсіздігін арттыру, көлік кептелістерін барынша азайту жөніндегі шаралар, сондай-ақ қалалық көліктің қоршаған ортаға әсерін азайту жөніндегі шаралар кіреді. ККС мәселелердің кең ауқымы үшін шешімдерді ұсынады, атап айтқанда:
-
Қоғамдық көлікті басқару және дамыту жөніндегі шаралар;
-
Жол қозғалысын ұйымдастыру жөніндегі шаралар;
-
Тұрақ кеңістігін басқару шаралары;
-
Велосипед көлігін дамыту және басқару жөніндегі шаралар және т. б.
Шешімдер үздік әлемдік тәжірибелер негізінде ұсынылады. Олар тек қала мен адамдарға қажет жағдайлар мен мүмкіндіктер үшін таңдалады және бейімделеді. ККС өткізу нәтижесінде қозғалыстың барлық қатысушылары үшін қолжетімділік, жайлылық және қауіпсіздік артады.
Біз не ұсынамыз?
Біз құрамына қалалық жолаушылар көлігі, жол қозғалысын ұйымдастыру саласындағы инновациялық шешімдер, жаяу жүргіншілер мен велосипед жүрісіне арналған шешімдер, көліктің қолжетімділігін, ұтқырлығын, тұрғындардың қауіпсіздігі мен жайлылығын арттыру жөніндегі шаралар, қаланың электрондық көлік модельдерін құру, көлік инфрақұрылымының паспорттары мен дерекқорларын жасау кіретін ККС әзірлеуді ұсынамыз.
Толығырақ ақпарат алу үшін +7 (7172) 577-177 (ішкі. 25 нөмірі) телефонына хабарласыңыз немесе m.sarbasov@cts.gov.kz электрондық поштасына өтінім жіберіңіз
